Nes á góðri leið

Í dag, laugardaginn 11. október, fóru nokkrir stjornarmeðlimir og þjálfari í sundi á málþing á vegum ÍF tengt sundinu. Margt áhugavert var rætt þarna og fjallað mikið um íþróttafélag fatlaðra, eiga þau að vera sér (sem var skoðun meirrihlutans), hvernig eiga þau að starfa, hvernig er hægt að nálgast sem best væntanlegum iðkendum og hvert er hlutverk þeirra sem íþróttafélag og sem styrking félagslega. Það sem kom okku skemmtilega á óvart var hversu margir hafa verið að fylgjast með NES og þær breytingar sem hafa orðið á NES. Iðkendum NES fjölgar hratt og erum við mjög sýnilegt félag, eins og var orðað að NES er orðið þekkt "merki". Var talað um NES-líkanið og að önnur félög ætti að horfa til NES, hvað við værum að gera og búinn að gera því það væri augljóslega að virka mjög vel og árangur mjög sýnilegur. Við fengum mikið lof frá stjórnendum og þjálfurum úr öllum áttum og var sérstaklega talað um samstöðu innan félagsins og öflugir foreldrar sem skiptir sköpum í svona starfi. Er það skoðun okkar að þetta hrós eiga allir innan NES. Þetta væri aldrei hægt nema með stuðning og aðstoð þjálfara, stjórnar, foreldrafélags, styrktaraðilum, aðstandendum og síðast en ekki síst iðkendum. Til hamingju við öll, eigum og meigum vera stollt af þessum orðum til NES.

Áfram NES

Special Olympics nefnd ÍF hefur valið 42 þátttakendur til að keppa fyrir Íslands hönd á Alþjóðaleikum Special Olympics sem verða haldnir í Los Angeles, 25. júlí – 2. ágúst 2015. Ísland sendir 42 keppendur á leikana í sundi, frjálsum íþróttum, golfi, golfi unified, badminton unified, lyftingum, keilu, fimleikum og knattspyrnu. Það er okkur sönn ánægja að segja frá því að Nes mun eiga 10 þátttakendur á þessum flottum leikum. Þeir eru;
Vilhjálmur Þ Jónsson - Boccia
Ástrós María Bjarnadóttir- Sund
Bryndís Brynjólfsdóttir- Frjálsar
Bjarki Guðnason-Golf unified
Heiða Guðnadóttir-Golf unified
Sigurður Guðmundsson-Knattspyrna
Jakob Gunnar Lárusson-Knattspyrna
Jósef Daníelsson-Knattspyrna
Konráð Ólafur Eysteinsson-Knattspyrna
Ragnar L Ólafsson-Knattspyrna

....Við óskum þessum einstaklingum hjartanlega til hamingju með valið og erum afar stolt og þakklát yfir því hversu margir Nesarar voru valdir úr okkar flotta íþróttahópi.

Íþróttafélagið NES

Æfingatafla 2014 – 2015

Sund

Yngri

Þriðjudagar                   kl. 17:15-18:15 (Heiðarskóli)

Fimmtudagar               kl. 17:15-18:15 (Heiðarskóli)

Eldri

Mánudagar                   kl. 19:00-20:00 (Vatnaveröld)

Þriðjudagar                  kl. 19:30-20:30 (Akurskóli)

Fimmtudagar               kl. 18:45-19:45 (Akurskóli)

Garpasund (eldri)

Þriðjudagar                  kl. 18:15-19:15 (Heiðarskóli)

Frjálsar

Yngri

Mánudagar                   kl. 17:15-18:15 (Heiðarskóli) 

Eldri

Mánudagar                   kl. 18:15-19:15 (Heiðarskóli)

Fótbolti

Þriðjudagar                  kl. 20:30-21:30 (Reykjaneshöllin)

Föstudagar                   kl. 20:30-21:30 (Reykjaneshöllin)

Þematengdar æfingar

Opnar æfingar

Miðvikudagar                kl. 17:15-18:15 (Heiðarskóli)

Boccia (eldri)

Miðvikudagar               kl.18:15-20:15 (Heiðarskóli)

Lyftingar (16 ára og eldri)

Fimmtudagar              kl.18:00-19:00 (íþr. Sunnubraut)

Kæru Nes-arar! Nú fer starfið hjá okkur í Nes að byrja aftur eftir gott sumarfrí. Næstkomandi mánudagskvöld, 25.ágúst, kl.19.00 í sal Myllubakkaskóla ætlum við að halda kynningarkvöld. Þar verður farið yfir starf vetrarins, hvaða þjálfarar verða hjá okkur, æfingatímar, hittingar o.s.frv. Hvetjum alla að mæta.
Æfingar hefjast svo skv. dagskrá miðvikudaginn 27.ágúst kl.17.15 með boccia æfingu fyrir yngri. Æfing í boccia eldri er sama dag kl.18.15. 
Hlökkum til að sjá ykkur
kveðja
Stjórn Nes

Styrkur til Nes

Þann 16. júlí sl. var haldin Skötumessa að sumri í Garðinum venju samkvæmt og tókst hún vonum framar. Frábær skemmtiatriði, góður matur og veittir styrkir til margra aðila. Nes vill hér nota tækifærið og þakka kærlega fyrir stuðninginn sem Nes fékk en Skötumessan styrkti ferðasjóð Nes um sem nemur 150.000 krónur. En að auki ákvað fyrirtækið Áfangar ehf að styrkja Nes einnig við sama tækifæri um 100.000 krónur og nam styrkurinn sem Nes fékk umrætt sinn því 250.000 krónum. Aldeilis frábært og þakkar Nes forráðamönnum Skötumessunnar og þeim Hjördísi og Smára hjá Áföngum ehf kærlega fyrir veittan stuðning.

Fréttatilkynning: Keppendur Íslands á EM fatlaðra í frjálsum

Ísland mun eiga þrjá fulltrúa á Evrópumeistaramóti fatlaðra í frjálsum íþróttum þetta sumarið en mótið fer fram í Swansea í Wales. Keppendur Íslands verða Helgi Sveinsson, Ármann, Matthildur Ylfa Þorsteinsdóttir, ÍFR og Arnar Helgi Lárusson, Nes.

Helgi er ríkjandi heimsmeistari í spjótkasti í flokki F42 og bætti hann Íslandsmetið sitt í greininni í Sviss í maímánuði þegar hann kastaði spjótinu 51,83 metra. Evrópumetið í flokki Helga er 52,74 metrar og í eigu Danans Jakob Mathiasen og hefur staðið síðan árið 2000.

Matthildur Ylfa keppir í flokki T og F 37 en hennar greinar á EM verða 400m. hlaup sem og langstökk. Matthildur á áttunda lengsta stökkið í langstökki í sínum flokki þetta árið en hún stökk 4.08m. í Grosseto á Ítalíu. Íslandsmet hennar í greininni utanhúss er 4.28m síðan 2012. Þá á Matthildur sjöunda besta tíma ársins í 400m. hlaupi í flokki T37 sem er 1:14,70 mín. en þeim tíma náði hún á opna meistaramótinu í Berlín.

Arnar Helgi Lárusson keppir í hjólastólakappakstri (e. Wheelchair Racing) og mun hann keppa í 100m. og 200m. hjólastólakappakstri. Arnar setti ný Íslandsmet í báðum greinum í Sviss í maímánuði en Íslandsmet hans í 100m. er 18,65 sek. og Íslandsmet hans í 200m. er 34,55 sek. Sem stendur er Arnar með 26. besta tíma ársins í 100m. og 23. besta tíma ársins í 200m.

Evrópumeistaramót fatlaðra í frjálsum fer fram dagana 18.-23. ágúst næstkomandi en hér að neðan má nálgast keppnisdagskrá íslensku keppendanna í Swansea:

(birt með fyrirvara um mögulegar breytingar)

19. ágúst

Spjótkast, úrslit - Helgi Sveinsson F42

20. ágúst

100m hjólastólarace, úrslit - Arnar Helgi Lárusson T53

21. ágúst

langstökk, úrslit - Matthildur Ylfa Þorsteinsdóttir F37

200 hjólastólarace, úrslit - Arnar Helgi Lárusson T53

22. ágúst

400m  úrslit - Matthildur Ylfa Þorsteinsdóttir T37

Nes aftur orðið að fyrirmyndarfélagi

Sá góði viðburður gerðist á lokahófi Nes í gær að Nes hlaut gæðaviðurkenningu Íþrótta- og Ólympíusambands Íslands fyrir íþróttastarf og rétt til að kalla sig Fyrirmyndarfélag ÍSÍ til næstu fjögurra ára.  Viðurkenningin var fyrst afhent Nes 11. maí 2004.  Á myndinni sést þegar Guðmundur Sigurðsson, formaður Nes veitir viðurkenningunni viðtöku frá Sigríði Jónsdóttur úr framkvæmdastjórn ÍSÍ.

Takk innilega fyrir FRÁBÆRT lokahóf kæru Nes-arar, aðstandendur, þjálfarar, stjórn og allir velunnarar Nes. Það var alveg frábært að sjá og upplifa hversu margir sáu sér fært um að vera með okkur í kvöld og meira segja sólin lét sig ekki vanta. Við óskum verðlaunahöfum innilega til hamingju með sín verðlaun og viðurkenningar en minnum einnig á að mesti sigurinn er að vera með og taka þátt !!! Það eigið þið öll kæru Nes-arar mikið hrós fyrir, þið gerir Nes að því sem það er. Þið eruð frábær, öll sem eitt! Þess má einnig geta að í kvöld náði Nes merkum áfanga að hljóta viðurkenningu ÍSÍ sem fyrirmyndarfélag að nýju. Við fögnum því innilega og erum afar stolt af okkar flotta félagi, Áfram Nes. Með þessum orðum lýsum við því að sumarfrí hjá Nes er hafið....
.....Verðum í bandi við ykkur hérna á facebook í sumar ef eitthvað kemur upp. Að öllu óbreyttu hefjast æfingar að nýju í ágúst, um svipað leyti og grunnskólarnir byrja (nánar auglýst síðar). Hafið það extra gott í sumar
Sumarkveðja
Stjórn Nes

Lokahóf Nes

Lokahóf Nes verður haldið í 88-húsinu/Fjörheimum, Reykjanesbæ, þann 10.júní (þriðjudag) næstkomandi. Mæting er uppúr kl.18.30 en þá ætlum við að bjóða öllum Nes-urum, aðstandendum, þjálfurum, stjórn og velunnurum félagsins í smá grill og fínerí. Eftir grillið verða svo smá ræðuhöld, verðlaunaafhendingar, söngur og gleði. Frábær skemmtun sem við vonum að enginn Nes-ari missi af.

Á þessu lokahófi ætlum við að hafa Hattaþema og verðlaunað verður fyrir flottasta hattinn.

Hlökkum til að sjá ykkur
kv. Stjórn Nes .

Bikar og Íslandsmót um helgina

Íslandsmót ÍF í frjálsum og bikarmót ÍF í sundi fara fram næsta laugardag, 7. júní en Íslandsmótð í frjálsum fer fram á Laugardalsvelli og bikarmótið í sundi fer fram í Kópavogslaug. Keppni á Íslandsmótinu í frjálsum hefst kl. 13:00 en bikarkeppnin í sundi hefst kl. 15:00.

Hér að neðan eru tímaseðlar helgarinnar:

Bikarmót ÍF í sundi
14:00 Upphitun
15:00 Keppni hefst
16:30 Keppni lýkur

Íslandsmót ÍF í frjálsum
Kl. 13.00    Mótssetning?
Kl. 13.10    Þrírþraut ungmenna
Kl. 13.10    100 m hlaup karlar
Kl. 13.15    100 m hlaup konur
Kl. 13.20    100 m race
Kl. 13.25    Langstökk karlar
         Kúluvarp konur
Kl. 14.00    Kúluvarp karlar
        Langstökk konur
Kl. 14.10    Kringlukast konur fl. 37/20
Kl. 14.40    200 m hlaup karlar
Kl. 14.50    200 m hlaup konur
Kl. 15.00    200 m race
Kl. 15.00    Spjótkast karlar fl. 42
        Spjótkast konur fl. 37/20
Kl. 15.40    400 m hlaup karlar
Kl. 15.50    400 m hlaup konur

Íslandsleikar Special Olympics eru á sunnudaginn

Íslandsleikar Special Olympics í knattspyrnu verða á KR velli, sunnudaginn 25. maí kl. 12.00 – 14.00

23.5.2014

Íslandsleikar Special Olympics í knattspyrnu verða á KR velli, sunnudaginn 25. maí kl. 12.00 – 14.00 Keppt verður í 7 manna blönduðum liðum fatlaðra og ófatlaðra skv. reglum Unified football. Liðin eru skipuð 4 fötluðum og 3 ófötluðum. 

Heimir Hallgrímsson sér um upphitun og keppni hefst 12.15 en hann ásamt Lars Lagerbäck munu veita verðlaun. 

Special Olympics alþjóðasamtökin hafa innleitt keppnisreglur þar sem fatlaðir og ófatlaðir keppa saman í liði. Special Olympics samtökin standa að íþróttastarfi starfa fyrir fólk með þroskahömlun og þar eru allir sigurvegarar. www.Specialolympics.org 

Law Enforcement Torch Run for Special Olympics 
Kyndilhlaup lögreglu hefst við alþingishúsið kl. 11.00 Í tengslum við Íslandsleikana munu íslenskir lögreglumenn hlaupa með logandi kyndil frá alþingishúsinu mótsstað. Lögreglumenn hlaupa m.a. kyndilhlaup LETR (Law Enforcement Torch Run) fyrir Evrópu og alþjóðaleika Special Olympics en hlaupið er tákn vináttunnar. (Flame of Hope) Tveir íslenskir lögreglumenn mun taka þátt í kyndilhlaupi lögreglumanna fyrir Evrópuleika Special Olympics 2014 sem verða í Antwerpen í Belgíu í september.

Samstarfssamningur

Íþróttafélagið Nes og Sveitarfélagið Garður hafa gert með sér samstarfssamning.  Samningurinn felur m.a. í sér áherslu á það hvað Nes hefur mikilvægu hlutverki að gegna í íþrótta-og félagsstarfi fatlaðra á Suðurnesjum.  Með samkomulaginu skuldbindur Nes sig til að kynna vel þá starfsemi sem er í boði hjá félaginu fyrir íbúum Garðs og Sveitarfélagið Garður skuldbindur sig til að leggja starfseminni lið með fjárstuðningi.

Nes skuldbindur sig til að halda uppi faglegu íþrótta-og félagsstarfi fyrir fatlaða í Garði og Sveitarfélagið Garður leggur Nes til fjárstuðning að upphæð kr. 350.000 á ári á gildistíma samningsins.  Samningurinn gildir frá 1. janúar 2014 til 31. desember 2015.

Magnús Stefánsson bæjarstjóri Garðs og Guðmundur Sigurðsson formaður Íþróttafélagsins Nes undirrituðu samstarfssamningin í dag, þann 19. maí 2014 ásamt Sigurði Guðmundssyni sem er einn sjö Nesara sem munu taka þátt á Evrópuleikum Special Olympics í Belgíu í september 2014.

Nes lýsir mikilli ánægju með samstarfið við Sveitarfélagið Garð.