Golfæfingar

Sæl öll

Nes getur með ánægju tilkynnt að byrjað verður með golfæfingar frá og með næsta sunnudag.  Karen Guðnadóttir mun sjá um æfingarnar en hún er meðlimur í Golfklúbbi Suðurnesja (GS).  GS mun styðja Nes með þeim hætti að Nes má nota aðstöðu GS að öllu leyti og mun Karen stjórna því og mun GS m.a. sjá um að skaffa allar golfkúlur á æfingunum.  Best væri að iðkendur kæmu með kylfur sjálfir en ef það er ekki hægt mun GS koma á móts við það eins og hægt er.  Æfingarnar eru á sunnudögum og eru eftirfarandi: 7. 14. og 21. júlí frá kl. 19:00 – 20:00 og svo 11. ágúst frá kl. 19:00 – 20:00 og er mæting hjá Golfskála Suðurnesja.  Einnig er fyrirhugað að hafa eina æfingu á virkum dögum á þessu tímabili en vegna anna hjá Karen er ekki hægt að ákveða nákvæma dagsetningu nema með skömmum fyrirvara og verða þessar æfingar því auglýstar síðar með 1-2 daga fyrirvara, biðjum iðkendur að fylgjast vel með því á facebook.  Um er að ræða 8 æfingar og er æfingagjaldið 3000 krónur sem þarf að greiðast á sunnudaginn.  Hvetjum alla Nesarar til að mæta á golfvöllinn í sumar með góða skapið og höfum gaman undir styrkri leiðsögn Karenar.

Kveðja

Stjórn Nes