Jólafrí

NES fer í jólafrí eftir næsta föstudag og verður smá skemmtiþema þessa vikuna í flestum greinum, pizza verður í boði á eða eftir æfingu í dag mánudag í frjálsum, á þriðjudag í garpasundi, á miðvikudag í boccia og koma líka gestir frá Akranesi og svo á föstudag í fótbolta. Er þetta ætlað þeim iðkendum sem hafa verið að æfa þessar greinar í vetur. Í sundinu er svo jólasundmót og pizza 29 desember þar sem koma gestir frá öðrum félögum. Nes mun svo hefja starfsemi á nýju ári 5 janúar. Takk fyrir veturinn og vonandi sjáumst við sem flest aftur á nýju ári
kv Stjórn NES

Framkvæmdarstjóri hjá Nes

Stjórn Nes hefur ákveðið að ráða framkvæmdarstjóra til reynslu í 6 mánuði. Um hlutastarf er að ræða og mun framkvæmdarstjórinn sjá um daglegan rekstur og aðstoða stjórn við að halda áfram frábærri starfsemi Nes. Nes hefur stækkað mikið undan farin ár og er svo komið að vinnan í kringum rekstur Nes er orðin talsverður og ekki raunhæft að reka félagið lengur á eingöngu sjálfboðavinnu. Við teljum að Nes hafi fengið frábæran einstakling í þessari stöðu, sem hefur mikinn áhuga, reynslu og metnað. Hinn nýráðni framkvæmdarstjóri heitir Íris Jónsdóttir og er búsett í Keflavík. Hún hefur mikla reynslu af að vinna með fólki og hefur komið að margvíslegum rekstri sem er frábær blanda fyrir Nes. Í desember mun Íris mæta á æfingar og jólamót Nes og kynna sér starfsemina og hitta þjálfara og iðkendur og eru allir beðnir um að taka vel á móti henni.